தமிழகத்தில் கடந்த 6 நாட்களாக அடைமழை பெய்து வருகிறது. இதனால் தமிழகத்தில் உள்ள அனைத்து ஏரி, குளங்கள் நிரம்பி வழிகிறது. சென்னைக்கு முக்கிய குடிநீர் ஆதாரமாக விளங்கும் புழல் ஏரி நிரம்பி வருகிறது. செம்பரம்பாக்கம் ஏரி நிரம்பி உள்ளதால் தமிழக அரசு இன்று தண்ணீரை திறந்து விட்டுள்ளது.
22 அடி கொள்ளளவு உள்ள செம்பரம்பாக்கம் ஏரியில் தற்பொழுது 21.03 அடி தண்ணீர் உள்ளது. வினாடிக்கு 4,500 கனஅடி தண்ணீர் வந்து கொண்டிருக்கிறது.
ஏரியின் நீர் மட்டம் 21.06 அடி ஆனவுடன் தண்ணீர் திறந்து விடப்படும். இன்று காலை 10 மணியளவில் ஏரியிலிருந்து தண்ணீர் திறந்து விடப்படும் என்றும் கரையோரத்தில் வசிக்கும் மக்கள் பாதுகாப்பான இடங்களுக்கு செல்ல அறிவுறுத்தப்படுகிறார்கள் என்றும் தமிழக அரசு வெளியிட்டுள்ள செய்திக்குறிப்பில் தெரிவிக்கப்பட்டுள்ளது.
