ஈரோடு மாவட்டம் கோபிச்செட்டிபாளையம் ஒழுங்குமுறை விற்பனைக் கூடத்தில் ஏலம் முறையில் 4 லட்சம் ரூபாய்க்கு மக்காச்சோளம் விற்பனையானது.
சத்தியமங்கலம், அந்தியூர், பர்கூர், தாளவாடி உள்ளிட்ட மலைப்பகுதி கிராமங்களில் விவசாயிகள் அதிகளவில் மக்காச்சோளம் பயிரிட்டுள்ளனர். இந்த ஆண்டு நல்ல மழை பெய்திருப்பதால், மக்காச்சோளம் விளைச்சலும் நல்லமுறையில் உள்ளதாக விவசாயிகள் தெரிவித்துள்ளனர்.
தற்போது மக்காச்சோளம் அறுவடைக் காலம் தொடங்கியுள்ளது. கோபிசெட்டிபாளையம் ஒழுங்குமுறை விற்பனைகூடத்தில் நடைபெற்ற ஏலவிற்பனையில் குவிண்டால் ரூ. 822 முதல் ரூ.852 வரை மக்காச்சோளம் விற்பனையானது.
மொத்தம் ரூ. 4 லட்சத்திற்கு மக்காசோளம் ஏலம்போனதாக தகவல்கள் தெரிவிக்கின்றன.
மக்காசோளத்திற்கு நல்ல விலை கிடைத்து வருவதால், விவசாயிகள் மகிழ்ச்சி அடைந்துள்ளனர்.
