தமிழ்நாட்டில் 2008-09 ஆம் ஆண்டுக்கான தேசிய ஊரக வேலை வாய்ப்பு உறுதி திட்டத்தின் கீழ் 5 மாவட்டங்களுக்கு ரூ.44 கோடியே 62 லட்சத்தை மத்திய அரசு ஒதுக்கியுள்ளது.
மத்திய அரசு நாடு முழுவதும் தேசிய ஊரக வேலை வாய்ப்பு உறுதி திட்டத்தை செயல்படுத்தி வருகிறது. இந்த திட்டத்திற்காக தமிழ்நாட்டில் உள்ள ஐந்து மாவட்டங்களில் பணிகளை மேற்கொள்ள தற்போது அனுமதிக்கப்பட்டுள்ளது.
அதன்படி, திருவள்ளூர் மாவட்டத்திற்கு ரூ.5 கோடியே 89 லட்சமும், திருநெல்வேலிக்கு ரூ.12 கோடியே 53 லட்சமும், திருச்சிக்கு ரூ.6 கோடியே 20 லட்சமும், புதுக்கோட்டைக்கு ரூ. 10 கோடியும், காஞ்சிபுரத்திற்கு ரூ.10 கோடியும் நிதியும் ஒதுக்கப்பட்டுள்ளது.
