கரூர் மாவட்டம் லாலாப்பேட்டை ரயில்வே மேம்பால பணிகளை விரைந்து முடிக்க நடவடிக்கை எடுக்க வலியுறுத்தி கரூர் மாவட்ட அ.இ.அ.தி.மு.க. சார்பில் இன்று கண்டன ஆர்ப்பாட்டம் நடைபெற்றது.
கரூர் மாவட்டம் லாலாப்பேட்டை ரயில்வே மேம்பால பணிகளை விரைந்து முடிக்க நடவடிக்கை மேற்கொள்ளாத மத்திய அமைச்சர் டி.ஆர்.பாலுவை கண்டித்தும், பணிகளை விரைந்து முடிக்க வலியுறுத்தியும் கரூர் மாவட்ட அ.இ.அ.தி.மு.க. சார்பில் 18ஆம் தேதி லாலாப்பேட்டை பேருந்து நிறுத்தம் அருகில் மாபெரும் கண்டன ஆர்ப்பாட்டம் நடைபெறும் என்று அக்கட்சியின் பொதுச் செயலர் ஜெயலலிதா அறிவித்திருந்தார்.
அதன்படி, கட்சியின் மாவட்டச் செயலரும், முன்னாள் அமைச்சருமான எம். சின்னசாமி தலைமையில் இன்று நடைபெற்ற இந்த ஆர்ப்பாட்டத்தில் நூற்றுக்கணக்கான அ.இ.அ.தி.மு.க. தொண்டர்கள் கலந்து கொண்டு லாலாபேட்டை ரயில்வே மேம்பால பணிகளை விரைந்து முடிக்க நடவடிக்கை எடுக்க வலியுறுத்தி கோஷங்கள் எழுப்பினர்.
