மதுரை மத்திய சிறையில் அடைக்கப்பட்டுள்ள இயக்குனர்கள் சீமான், அமீர் ஆகியோர் தங்களை பிணையில் விடுவிக்கக் கோரி நீதிமன்றத்தில் மனுத் தாக்கல் செய்துள்ளனர்.
ராமநாதபுரம் 1வது குற்றவியல் நீதிமன்றத்தில் அமீர் சார்பில் மதுரையை சேர்ந்த வழக்கறிஞர் லஜபதிராயும், சீமான் சார்பில் ராமநாதபுரம் வழக்கறிஞர் குணசேகரனும் நீதிபதியிடம் மனுவை அளித்தனர்.
இந்த மனுக்கள் மீதான விசாரணையை நீதிபதி மாயாண்டி வருகிற 31ஆம் தேதிக்கு தள்ளிவைத்தார்.
இதனிடையே இவர்கள் இருவரின் 15 நாட்கள் காவல் முடிந்து வருகிற 7ஆம் தேதி ராமநாதபுரம் 1-வது குற்றவியல் நீதிமன்றத்தில் ஆஜர்படுத்தப்படுகிறார்கள்.
