திருப்பத்தூர் அருகே தண்டவாளத்தில் ஏற்பட்ட விரிசலால் ஏலகிரி விரைவு ரயில் தடம் புரண்டு விபத்துக்குள்ளானது. இதில் பயணம் செய்த பயணிகள் காயமின்றி அதிர்ஷ்டவசமாக உயிர் தப்பினர்.
வேலூர் மாவட்டம், திருப்பத்தூர் அருகே ஏலகிரி விரைவு ரயில் இன்று அதிகாலை வந்து கொண்டிருந்தது. அப்போது, தண்டவாளத்தில் ஏற்பட்ட விரிசலில் ரயில் சிக்கி தடம் புரண்டது.
இந்த விபத்து பற்றி தகவல் அறிந்த ரயில்வே அதிகாரிகள் விரைந்து வந்து மீட்பு பணியில் ஈடுபட்டனர். சுமார் 6 மணி நேரம் போக்குவரத்து பாதிக்கப்பட்டது என்று ரயில்வே அதிகாரிகள் தெரிவித்தனர்.
இந்த விபத்தால் சேலம், ஈரோடு, கோவை மற்றும் அயல் மாநிலங்களுக்கு செல்லும் ரயில்கள் காலதாமதமாக சென்றது.
