திருவாரூரில் இருந்து சென்னை சென்ட்ரலுக்கும், சென்னை சென்ட்ரலில் இருந்து மங்களூருக்கும் சிறப்பு ரயில் இயக்கப்படுவதாக தென்னக ரயில்வே அறிவித்துள்ளது.
இது குறித்து தென்னக ரயில்வே வெளியிட்டுள்ள செய்திக்குறிப்பில், "திருவாரூரில் இருந்து சென்னை சென்ட்ரலுக்கு நாளை (7ஆம் தேதி) சிறப்பு ரயில் (0681) இயக்கப்படுகிறது. இந்த ரயில் இரவு 9 மணிக்கு புறப்பட்டு மறுநாள் காலை 9.45 மணிக்கு சென்ட்ரலை வந்தடைகிறது.
சென்னை சென்ட்ரலில் இருந்து மங்களூருக்கு திங்கட்கிழமை மாலை 3.15 மணிக்கு சிறப்பு ரயில் (0683) இயக்கப்படுகிறது. இந்த ரயில் மறுநாள் மறுநாள் காலை 8.30 மணிக்கு மங்களூருக்கு சென்றடைகிறது.
இந்த சிறப்பு ரயில்களுக்கான முன்பதிவு இன்று தொடங்குகிறது" என்று கூறப்பட்டுள்ளது.
