மன்மோகன்சிங், சோனியா, கருணாநிதிக்கு கவுரவ முனைவர் பட்டம்:சென்னை பல்கலை வழங்கியது
, வெள்ளி, 5 செப்டம்பர் 2008 (17:20 IST)
பிரதமர் மன்மோகன் சிங், தமிழக முதலமைச்சர் கருணாநிதி, அகில இந்திய காங்கிரஸ் தலைவர் சோனியா காந்திக்கு ஆகியோருக்கு கவுரவு முனைவர் பட்டத்தை சென்னை பல்கலைக்கழகம் இன்று வழங்கியது.சென்னை பல்கலைக்கழகத்தின் 150-வது ஆண்டு நிறைவு விழா மற்றும் கவுரவ முனைவர் பட்டம் வழங்கும் விழா சென்னை நூற்றாண்டு விழா கலையரங்கில் இன்று காலை நடந்தது.
காலை 10 மணிக்கு பிரதமர் மன்மோகன் சிங், முதலமைச்சர் கருணாநிதி, சோனியாகாந்தி விழா அரங்குக்கு வந்தனர். அப்போது அவர்களுக்கு உற்சாக வரவேற்பு அளிக்கப்பட்டது.
விழாவிற்கு வந்தவர்களை சென்னைப் பல்கலைக்கழக துணைவேந்தர் பேராசிரியர் ராமச்சந்திரன் வரவேற்றுப் பேசினார். இதையடுத்து மன்மோகன்சிங், கருணாநிதி, சோனியாகாந்தி ஆகியோருக்கு கவுரவ முனைவர் பட்டத்தை சென்னை பல்கலைக்கழகவேந்தரும், ஆளுநருமான பர்னாலா வழங்கினார்.
