காங்கிரஸ் தலைவர் சோனியாகாந்தி வந்த விமானம் மோசமான வானிலை காரணமாக கோவையில் தரையிறங்காமல் பெங்களூரூவுக்கு திருப்பி விடப்பட்டது.
சோனியா காந்தி வந்த இந்த விமானம் கோவையில் 3 மணிக்கு தரையிறங்க வேண்டியது. ஆனால் அங்கு விமானம் தரையிறங்குவதற்கு ஏற்றவகையில் வானிலை இல்லாததால் கோவையில் தரையிறங்கவில்லை. இதனால் விமானம் பெங்களூருவுக்கு திருப்பி அனுப்பப்பட்டது.
காங்கிரஸ் தலைவர் சோனியா காந்தி தமிழகத்தில் இன்றும், நாளையும் 2 நாள் சுற்றுப்பயணம் செய்து ஈரோடு, சேலத்தில் நடைபெறும் நிகழ்ச்சிகளில் கலந்து கொள்கிறார்.
இதற்காக அவர் டெல்லியில் இருந்து விமானம் மூலம் கோவை வந்து அங்கிருந்து ஹெலிகாப்டர் மூலம் ஈரோடு செல்ல திட்டமிட்டிருந்தார். இன்று மாலை 4 மணிக்கு ஈரோட்டில் நடைபெறும் பொதுக்கூட்டத்தில் அவர் உரையாற்றவிருந்தார்.
இதற்காக அவர் இன்று மதியம் டெல்லியில் இருந்து விமானம் மூலம் புறப்பட்டார். ஆனால் மோசமான வானிலை காரணமாக விமானம் கோவையில் இறங்கமால் பெங்களூருவுக்கு திருப்பி அனுப்பபட்டது.
