மதுரையில் சென்னை வியாபாரியிடம் ரூ.6 லட்சம் மதிப்புள்ள 71 சவரன் நகையை மர்ம மனிதன் கொள்ளையடித்து சென்றுள்ளான்.
சென்னை புரசைவாக்கத்தை சேர்ந்தவர் ஹபீப் முகமது. இவர் தங்க கட்டிகளை வாங்கி நகைகள் செய்து மதுரையில் உள்ள நகைக்கடையில் விற்பனை செய்து வந்தார்.
இதேபோல் கடந்த ஒரு வாரத்துக்கு முன்பு ஒரு பையில் நகைகளை எடுத்துக் கொண்டு இரு சக்கர வாகனத்தில் மதுரைக்கு சென்று கொண்டிருந்தார்.
அப்போது ஒரு தொலைபேசி அழைப்பு வந்துள்ளது. இதனால் நகைப் பையை இரு சக்கர வாகனத்தில் வைத்து விட்டு பேசிக் கொண்டிருந்தார். இதை பார்த்த மர்ம மனிதன் ஒருவன் நகைப் பையை திருடிக் கொண்டு ஓடி விட்டான்.
ஆனால் இது குறித்து ஹபீப் முகமது, காவல்துறையில் புகார் செய்யவில்லை. நண்பர்கள் வலியுறுத்தல் பேரில் மதுரையில் உள்ள திருக்குவளை காவல்நிலையத்தில் இன்று காலை ஹபீப் முகமது புகார் செய்துள்ளார்.
