10வது மாநகராட்சியாக உதயமாகும் தூத்துக்குடி மாநகராட்சியை முதலமைச்சர் கருணாநிதி இன்று தொடங்கி வைக்கிறார்.
தொழில் நகரான தூத்துக்குடி மாநகராட்சியாக்கப்படும் என சட்டப்பேரவை மானியக் கோரிக்கையின் போது உள்ளாட்சித்துறை அமைச்சர் மு.க.ஸ்டாலின் அறிவித்தார்.
அதன்படி தற்போதுள்ள நகராட்சியோடு சுற்றியுள்ள 10 கிராம ஊராட்சிகள் இணைக்கப்பட்டு தூத்துக்குடி, தமிழகத்தின் 10வது மாநகராட்சியாக அறிவிக்கப்பட்டுள்ளது.
இதன் தொடக்க விழா இன்று காலை நடைபெறுகிறது. தூத்துக்குடி எஸ்.ஏ.வி. பள்ளி மைதானத்தில் நடைபெறும் இந்த விழாவுக்கு உள்ளாட்சித் துறை அமைச்சர் மு.க.ஸ்டாலின் தலைமை வகிக்கிறார்.
மத்திய உள்துறை இணையமைச்சர் ராதிகாசெல்வி, மாநில சமூக நலத் துறை அமைச்சர் கீதா ஜீவன் ஆகியோர் முன்னிலை வகிக்கின்றனர்.
