நாளை தியாகிகள் தினம் கடைப்பிடிப்பதையொட்டி, கிண்டி காந்தி மண்டபத்தில் புதிதாக நிறுவப்பட்டுள்ள தியாகி செண்பகராமன் சிலையை முதலமைச்சர் கருணாநிதி நாளை திறந்து வைக்கிறார்.
சென்னை, கிண்டி காந்தி மண்டப வளாகத்தினுள் தியாகிகள் மணி மண்டபத்திற்கு எதிரில் நிறுவப்பட்டுள்ள தியாகி செண்பகராமன் சிலையை நாளை காலை 10 மணிக்கு முதலமைச்சர் கருணாநிதி திறந்து வைத்து, மலர் தூவி மரியாதை செலுத்துகிறார்.
பின்னர், அங்கு தியாகிகள் மண்டபத்தில் உள்ள தியாகி சங்கரலிங்கனார், தியாகி ஆர்யா என்னும் பாஷ்யம் ஆகியோரது சிலைகளுக்கும் மலர் தூவி மரியாதை செலுத்துகிறார்.
இவ்விழாவில் அமைச்சர்கள் உள்பட பல்வேறு பிரமுகர்கள் கலந்துகொள்கின்றனர்.
