புதுக்கோட்டையில் இருந்து குற்றாலத்திற்கு சுற்றுலா சென்ற 3 பயணிகள், விருதுநகர் அருகே சாலை விபத்தில் சிக்கி உயிரிழந்தனர்.
புதுக்கோட்டையை சேர்ந்த 6 பேர் குற்றாலம் நோக்கிச் காரில் சென்றதாகவும், ராஜபாளையம்-ஸ்ரீவில்லிப்புத்தூர் நெடுஞ்சாலையில் வாணியம்பதி கிராமம் அருகே லாரி மீது கார் மோதியதில், அதில் பயணித்த 3 பேர் நிகழ்விடத்திலேயே உயிரிழந்ததாகவும் சிறப்புப்பிரிவு காவல்துறையினர் தெரிவித்துள்ளனர்.
இன்று காலை நடந்த இவ்விபத்தில் காயமடைந்த மேலும் 3 பேர் மதுரை அரசு மருத்துவமனையில் சிகிச்சைக்காக அனுமதிக்கப்பட்டுள்ளனர்.
விபத்திற்கு காரணமான லாரி ஓட்டுனரிடம் காவல்துறையினர் தொடர்ந்து விசாரித்து வருகின்றனர்.
விபத்து காரணமாக ராஜபாளையம்-ஸ்ரீவில்லிப்புத்தூர் நெடுஞ்சாலையில் சுமார் 3 மணி நேரம் போக்குவரத்து பாதிக்கப்பட்டதாக தகவல்கள் தெரிவிக்கின்றன.
