கிருஷ்ணகிரியில் உள்ள தனியார் கல் குவாரியில் உரிய உரிமம் இல்லாமல் பதுக்கி வைக்கப்பட்டிருந்த பெருமளவிலான வெடிபொருட்கள் பறிமுதல் செய்யப்பட்டுள்ளதாகவும், இதுதொடர்பாக ஒருவர் கைது செய்யப்பட்டுள்ளதாகவும் காவல்துறையினர் தெரிவித்தனர்.
பேரிகை என்ற இடத்தில் உள்ள சாய் கிரானைட்ஸ் நிறுவனத்தில் நேற்றிரவு அதிரடி சோதனை நடத்திய க்யூ பிரிவு காவலர்கள், 3,053 எலக்ட்ரிக் டெட்டனேட்டர்களை பறிமுதல் செய்ததுடன், அங்கு பணியாற்றி வந்த ஜார்கண்டைச் சேர்ந்த பிரதீப் சக்ரவர்த்தி என்ற ஊழியரை கைது செய்தனர்.
பிரதீப் சக்ரவர்த்தி மீது இந்திய வெடிபொருள் தடுப்புச் சட்டத்தின் கீழ் வழக்குப் பதிவு செய்யப்பட்டதுடன், நீதிமன்றக் காவலிலும் அடைக்கப்பட்டார்.
