''சேது சமுத்திரத் திட்டம் நிச்சயம் நிறைவேறாது என நினைப்போரின் எண்ணம் நிறைவேறாது'' என்று மத்திய கப்பல், தரைவழிப் போக்குவரத்துத் துறை அமைச்சர் டி.ஆர்.பாலு தெரிவித்துள்ளார்.
கரூர் மாவட்டம், லாலாபேட்டையில் அவர் செய்தியாளர்களிடம் கூறுகையில், தமிழகம் முழுவதும் பல்வேறு மேம்பாலம் மற்றும் சாலைப் பணிகள் நடைபெறுகின்றன. இப்பணிகளுக்குத் திறமையான தொழிலாளர்கள் கிடைப்பது அரிதாக உள்ளது. லாலாபேட்டை மேம்பாலப் பணிக்கு மேற்குவங்கத்தில் இருந்து தொழிலாளர்கள் வரவுள்ளனர்.
சேது சமுத்திரத் திட்டம் நிச்சயம் நிறைவேறாது என நினைப்போரின் எண்ணம் நிறைவேறாது. உச்ச நீதிமன்றத்தில் வழக்கு நிலுவையில் உள்ளது.
இதன் தீர்ப்பு சாதகமாக இருக்கும் எனத் தமிழக மக்கள், முதல்வர், ஐக்கிய முற்போக்குக் கூட்டணித் தலைவர்கள் உள்ளிட்டோர் நம்புகின்றனர். எனவே, சேது சமுத்திரத் திட்டம் நிச்சயம் நிறைவேறும் என்று அமைச்சர் டி.ஆர்.பாலு உறுதிபட கூறினார்.
