ஈரோடு ஆட்சியர் அலுவலகத்திற்கு வந்த கடிதத்தில் வெடிகுண்டு மிரட்டல் வந்ததால் பரபரப்பு ஏற்பட்டது.
ஈரோடு ஆட்சியர் அலுவலகத்திற்கு ஒரு மர்ம கடிதம் வந்தது. அதில் சடையம்பாளையம் பகுதியில் கீழ்பவானி வாய்க்கால் பாசன நீர் முறையாக வழங்கவில்லை என்றால் ஈரோடு ஆட்சியர் அலுவலகம், முகாம் அலுவலகம் மற்றும் கீழ்பவானி வாய்க்கால் 21 வது மதகு ஆகியவையை வெடிகுண்டு வைத்து தகர்க்கப்படும் என எழுதப்பட்டுள்ளது.
கடிதத்தை மாவட்ட காவல்துறை கண்காணிப்பாளர் சோனல்மிஸ்ராவிற்கு மாவட்ட ஆட்சியர் மகேஸகாசிராஜன் அனுப்பி வைக்க உத்தரவிட்டார். மேலும் இது குறித்து விசாரணை நடந்து வருகிறது.
