சென்னை: பெண்களுக்கான இட ஒதுக்கீடு வெகுவிரைவில் கிடைத்துவிடும் என்று தமிழக முதல்வர் கருணாநிதி கூறியுள்ளார்.
இதுகுறித்து சென்னையில் இன்று நடந்த திருமண நிகழ்ச்சி ஒன்றில் பேசிய அவர், பெண்களுக்கான இடஒதுக்கீடு வெகுவிரைவில் இன்னும் ஓரிரு நாட்களில் கிடைத்துவிடும் என்ற நற்செய்தி வந்துள்ளது என்றார்.
பெரியாருடைய கொள்கைகளை தமிழகத்தில் மட்டுமன்றி வடபுலத்தில் உள்ள மாநிலங்களிலும் படிக்க விரும்புகிறார்கள், உணர விரும்புகிறார்கள், பின்பற்ற விரும்புகிறார்கள் என்ற முதல்வர், அதை ஊக்கப்படுத்த வேண்டியது நமது கடமை என்றார்.
