காஞ்சிபுரம், வேலூர் மாவட்டத்தில் திருடுபோன ரூ.70 லட்சம் மதிப்புள்ள வாகனங்கள் மீட்கப்பட்டன. இது தொடர்பாக 9 பேர் கைது செய்யப்பட்டனர்.
காஞ்சிபுரம், வேலூர், சேலம் மாவட்டத்தில் அதிகரித்து வந்த வாகன திருட்டை கண்டுபிடிப்பதற்கு சிறப்பு காவல் குழு அமைக்கப்பட்டது.
இதையடுத்து, அந்த மாவட்டங்களில் சிறப்பு காவல் குழுவினர் நடத்திய அதிரடி விசாரணையிலும், தேடுதல் வேட்டையிலும் திருடு போன ரூ.70 லட்சம் மதிப்புள்ள 8 லாரிகள், இரண்டு டிராக்டர்கள் மீட்கப்பட்டன. இது தொடர்பாக 9 பேர் கைது செய்யப்பட்டனர்.
கைது செய்யப்பட்டவர்கள், காஞ்சிபுரம், வேலூர், சேலம் மாவட்டங்களில் 12 வாகன திருட்டு வழக்கில் ஈடுபட்டுள்ளனர். பின்னர் அவர்கள் நீதிமன்றத்தில் ஆஜர்படுத்தப்பட்டு சிறையில் அடைக்கப்பட்டனர்.
