சென்னை உயர் நீதிமன்றத்தில் புதிய நீதிபதியாக நியமிக்கப்பட்ட ஆர்.சுப்பையா மார்ச் 24ஆம் தேதி பதவி ஏற்கிறார். அவருக்கு தலைமை நீதிபதி ஏ.பி.ஷா பதவி பிரமாணம் செய்து வைக்கிறார்.
சென்னை உயர் நீதிமன்றத்தில் 45 நீதிபதிகள் இருந்தனர். இவர்களில் நீதிபதிகள் அசோக்குமார், எஸ்.ஆர்.சிங்காரவேலு ஆகியோர் வெளிமாநில உயர் நீதிமன்றத்துக்கு மாற்றப்பட்டுவிட்டனர். இந்த நிலையில் உயர் நீதிமன்ற வழக்கறிஞர் ஆர்.சுப்பையா சென்னை உயர் நீதிமன்றத்தின் புதிய நீதிபதியாக நியமித்து குடியரசுத் தலைவர் உத்தரவு பிறப்பித்தார்.
இதனிடையே சென்னை உயர் நீதிமன்றத்தில் மார்ச் 24ஆம் தேதி ஆர்.சுப்பையா புதிய நீதிபதியாக பதவி ஏற்கிறார். அவருக்கு தலைமை நீதிபதி ஏ.பி.ஷா பதவி பிரமாணம் செய்து வைக்கிறார். இதன் மூலம் உயர் நீதிமன்றத்தில் நீதிபதிகளின் எண்ணிக்கை 44 ஆக உயருகிறது. இன்னும் 5 காலியிடங்கள் உள்ளன.
