தமிழக சட்டப்பேரவை பட்ஜெட் கூட்டத்தொடர் இன்று காலை 9.30 மணிக்கு தொடங்கியது. மறைந்த முன்னாள் உறுப்பினர்களுக்கு இரங்கல் தீர்மானம் நிறைவேற்றப்பட்ட பின் அவை இன்று முழுவதும் தள்ளி வைக்கப்பட்டது.
பட்ஜெட் கூட்டத்தொடர் துவங்கியதும், முன்னாள் சபாநாயகரும், அமைச்சருமான ராஜாராம் மறைவிற்கு இரங்கல் தீர்மானம் நிறைவேற்றப்பட்டது. மார்க்சிஸ்ட் கம்யூனிஸ்ட் கட்சியின் முன்னாள் உறுப்பினர் ஹேமச்சந்திரன், தி.மு.க உறுப்பினர் தங்கவேல் ஆகியோர் மறைவுக்கு இரங்கல் குறிப்பு வாசிக்கப்பட்டது.
மறைந்த கிறிஸ்தவ மதபோதவர் டி.ஜி.எஸ்.தினகரனின் மறைவுக்கு சட்டப்பேரவை உறுப்பினர்கள் 2 நிமிடம் மவுன அஞ்சலி செலுத்திய பின்னர் அவை தள்ளி வைக்கபட்டது.
நடப்பு நிதியாண்டிற்கான நிதிநிலை அறிக்கையை நிதியமைச்சர் அன்பழகன் நாளை தாக்கல் செய்கிறார்.
இந்த பட்ஜெட் கூட்டத்தொடரில் பால் , அத்தியாவசியப் பொருள்களின் விலை உயர்வு பிரச்சனைகள் புயலைக் கிளப்பும் எனத் தெரிகிறது.
