பெரம்பலூர் மாவட்டத்தில் உள்ள மருத்துவமனைகள் அனைத்தும் ரூ.21.20 கோடியில் மேம்படுத்தப்படும் என்றும், பெரம்பலூரில் உள்ள தலைமை மருத்துவமனை ரூ.2.75 கோடியில் விரிவுப்படுத்தப்படும் என்றும் மத்திய தகவல் தொடர்புத்துறை அமைச்சர் ஏ.ராஜா தெரிவித்துள்ளார்.
பெரம்பலூரில் நடந்த விழாவில் ஒன்றில் கலந்து கொண்டு அமைச்சர் ராஜா பேசுகையில், பெரம்பலூர் மாவட்டத்தில் உள்ள தலைமை மருத்துவமனை கபுல்பாளையத்துக்கு மாற்றப்பட்டு ரூ.2.75 கோடியில் செலவில் 17 ஏக்கரில் விரிவுப்படுத்தப்படும்.
பெரம்பலூர் மற்றும் அரியலூர் ஆகிய மாவட்டங்களில் உள்ள மருத்துவமனைகளை மேம்படுத்த உலக வங்கி ரூ.12.20 கோடியும், டாடா சிப்பிங் நிறுவனம் ரூ.9 கோடியும் தந்துள்ளது.
பெரம்பலூரில் முதல்வர் கருணாநிதி விரைவில் மருத்துவக் கல்லூரி தொடங்க நடவடிக்கை எடுப்பார் என்று அமைச்சர் ராஜா கூறினார்.
