தமிழகத்தில் இருந்து மெக்காவிற்கு சென்றவர்களில் முதல் கட்டமாக 444 பேர் இன்று சென்னை திரும்பினர். இவர்களில் 271 பேர் பெண்கள் ஆவர்.
சவுதி அரேபியா சிறப்பு விமானம் மூலம் இன்று காலை 6.20 மணிக்கு சென்னை விமான நிலையம் வந்த அவர்களை தமிழக சுற்றுச்சூழல் அமைச்சர் மைதீன்கான், ஹஜ் கமிட்டி தலைவரும், நாடாளுமன்ற உறுப்பினருமான ஜே.எம்.ஆரூண் மற்றும் அதிகாரிகள் வரவேற்றனர்.
தமிழகத்தில் இருந்து, கடந்த ஆண்டு நவம்பர் 30ஆம் தேதி முதல் டிசம்பர் 10ஆம் தேதி வரை 9 விமானங்களில் 3,876 ஹஜ் பயணிகள் சென்றனர் என்பது குறிப்பிடத்தக்கது.
