காஞ்சிபுரத்தில் இன்று பொதுமக்களுக்குத் தொந்தரவாக உள்ள டாஸ்மாக் மதுபானக் கடையை மூடக்கோரி 250 பெண்கள் உட்பட 500 க்கும் மேற்பட்டவர்கள் போராட்டம் நடத்தினர்.
முத்தியால் பேட்டை பிரதானச் சாலையில் உள்ள குறிப்பிட்ட மதுக்கடையில் குடித்துவிட்டு வரும் சிலர் அப்பகுதியில் ரகளையில் ஈடுபடுவதைத் தடுத்து நிறுத்த வேண்டும் என்றுஅவர்கள் கோரிக்கை விடுத்தனர்.
குடியிருப்புகளுக்கு மிக அருகில் உள்ள அந்தக் கடையை உடனடியாக மூடாவிட்டால் ஆட்சியர் அலுவலகம் முன்பு போராட்டம் நடத்துவோம் என்றும் அவர்கள் எச்சரித்தனர்.
தகவலறிந்து நிகழ்விடத்திற்கு விரைந்து வந்த அதிகாரிகள் பெண்களிடம் நடத்திய சமரசப் பேச்சிற்குப் பிறகு போராட்டம் கைவிடப்பட்டது.
