திருச்சியில் உள்ள அம்பேத்கர் சிலை முன்பு இன்று பெரியார் திராவிடர் கழகத்தினரும், பா.ஜ.க.வினரும் மோதிக் கொண்டதால் அங்கு பரபரப்பு ஏற்பட்டது.
அம்பேத்கரின் நினைவு நாளையொட்டி திருச்சியில் உள்ள அவரது சிலைக்கு பெரியார் திராவிடர் கழகத் தலைவர் ராஜேந்திரன் தலைமையில் தொண்டர்கள் இன்று மாலை அணிவித்து மரியாதை செலுத்த வந்தனர்.
அப்போது, பா.ஜ.க.வினருக்கு எதிராக திராவிடர் கழகத்தினர் கோஷங்கள் எழுப்பினர். இதனால் இரு தரப்பினருக்கும் இடையே மோதல் ஏற்பட்டது. அப்போது இரண்டு காவலர்கள் மட்டுமே இருந்ததால் அவர்களால் ஒன்றும் செய்ய முடியவில்லை.
அம்பேத்கர் சிலை முன்பு இந்த மோதல் நடந்ததால் அந்த பகுதி பரபரப்பாக காணப்பட்டது.
இந்த மோதல் குறித்து கண்டோன்மென்ட் காவல்துறையினர் இரு தரப்பினர் மீதும் வழக்கு பதிவு செய்து விசாரித்து வருகின்றனர்.
