சென்னை, காஞ்சிபுரம், திருவள்ளூர் ஆகிய மாவட்டங்களில் இன்று தொடர்ந்து மழை பெய்து வருவதால் மூன்று மாவட்டங்களில் பள்ளிகளுக்கு மாவட்ட பள்ளிக் கல்வி இயக்குனகரம் விடுமுறை அறிவித்துள்ளது.
சென்னையில் நேற்று பகல் முழுவதும் வானம் மேக மூட்டத்துடன் இருந்தால் மழை விட்டு விட்டு பெய்தது. நள்ளரிவு கனத்த மழை பெய்தது. சென்னையில் ஒரு சில இடங்களில் இன்று காலை பலத்த மழை பெய்தது. சாலைகளில் மழைநீர் வெள்ளம் போல் ஓடியது. இதனால் பள்ளி, கல்லூரி செல்லும் மாணவர்கள் பெரிதும் பாதிக்கப்பட்டனர்.
அடுத்த 24 மணி நேரத்திற்கு தமிழகத்தில் ஒரு சில இடங்களில் மழை பெய்ய வாய்ப்பு இருப்பதாகவும், சென்னையில் விட்டுவிட்டு மழை பெய்யும் ஒரு சில நேரம் பலத்த மழை பெய்யும் என்று வானிலை ஆய்வு மையம் எச்சரித்துள்ளது. அதனால் பள்ளிகளுக்கு இன்று விடுமுறை விடப்பட்டுள்ளது.
சென்னை, காஞ்சிபுரம், திருவள்ளூர் ஆகிய 3 மாவட்டங்களிலும் உள்ள பள்ளிகளுக்கு ஒரு நாள் விடுமுறை விடபட்டு இருப்பதாக பள்ளி கல்வித்துறை இயக்குனர் ஜெகநாதன் அறிவித்தார்.
மழை எச்சரிக்கை தொடர்ந்து இருக்கும் பட்சத்தில் நாளை விடுமுறை விடப்படுமா? என்பது பற்றி இன்று மாலை முடிவு செய்யப்படுகிறது.
இதனிடையே பள்ளிக்கு சென்ற மாணவர்கள் மழையில் நனைந்தபடி வீடு திரும்பினர்.
