''இந்துக்களின் நம்பிக்கையான ராமர் பாலத்தை எந்த விலை கொடுத்தாவது பாதுகாப்போம்'' என்று இந்து முன்னணி நிறுவன தலைவர் ராமகோபாலன் கூறினார்.
சேது சமுத்திர திட்டப் பிரச்சினையில் தி.மு.க. அமைச்சர்கள் ஜனநாயகம் மற்றும் சட்டத்தை மீறி செயல்படுவது கண்டிக்கதக்கது. இந்து கடவுள்களை மட்டும் விமர்சித்துவரும் முதலமைச்சர் கருணாநிதி, உச்ச நீதிமன்ற உத்தரவுக்கு விரோதமாக செயல்படும் மத்திய அமைச்சர் டி.ஆர்.பாலு மற்றும் விடுதலை சிறுத்தைகள் திருமாவளவனுக்கும் கண்டனம் தெரிவித்துக்கொள்கிறேன் என்று ராமகோபாலன் குறிப்பிட்டார்.
இந்துக்களின் நம்பிக்கையான ராமர் பாலத்தை எந்த விலை கொடுத்தாவது பாதுகாப்போம். இதற்காக அடுத்த மாதம் 12ஆம் தேதி முதல் 26ஆம் தேதி வரை ராமர் பாலம் தர்மயுத்த தொண்டர்களை அணி திரட்டுவோம் என்று ராம கோபாலன் தெரிவித்தார்.
தென்காசியில் நடந்த கொலை சம்பவங்களில் உண்மையை போலீசார் மூடி மறைக்கிறார்கள். இந்த வழக்கை சி.பி.ஐ. விசாரிக்க உத்தரவிடவேண்டும். பாண்டிச்சேரி மாநில பெயர் புதுச்சேரி என்று மாற்றப்பட்டுள்ளது. அதை திரும்பபெற்று வேதபுரி என்ற தொண்மையான பெயரை சூட்டவேண்டும் ராம கோபாலன் கேட்டுக் கொண்டுள்ளார்.
