இன்னும் 3 மாதத்தில் சென்னையில் 1000 பேருந்துகள் இயக்கப்பட இருக்கிறது என்று போக்குவரத்துத்துறை அமைச்சர் நேரு கூறியுள்ளார்.
தரமான ஓட்டுனர்கள் வர வேண்டும் என்பதற்காக புதிய உத்திகள் மேற்கொள்ளப்பட்டு வருகின்றன. எல்.எல்.ஆர். அல்லது ஓட்டுனர் உரிமம் பெற விரும்புகிறவர்கள், போக்குவரத்து அலுவலகத்தில் உள்ள கம்ப்யூட்டரில் கேட்கப்படும் 10 கேள்விகளை குறிப்பிட்ட நேரத்துக்குள் பதில் அளிக்க வேண்டும். சரியாக பதிலளித்தால், அந்த கம்ப்யூட்டரே அவருக்கான உரிமத்தை வழங்கி விடும் என்று அமைச்சர் நேரு கூறினார்.
சென்னையில் 7 அலுவலகங்களில் அறிமுகப்படுத்தப்பட்டு உள்ளது. தமிழகம் முழுவதும் தரமான ஓட்டுனர் உரிமம் வழங்கும் முயற்சியை போக்குவரத்துத்துறை எடுத்துள்ளது என்று அமைச்சர் மேலும் கூறினார்.
இன்னும் 3 மாத காலத்தில் சென்னையில் 1000 புதிய பேருந்துகளை முதலமைச்சர் கருணாநிதி தொடங்கி வைக்கிறார். அதில் சென்னையில் மட்டும் 500 புதிய வழித்தடங்களில் புதிய பேருந்துகள் இயக்கப்பட உள்ளன. அம்பத்தூரில் புதிய வட்டார போக்குவரத்து அலுவலகம் தொடங்குவதற்கு உரிய நடவடிக்கை எடுக்கப்படும் என்று போக்குவரத்துறை அமைச்சர் தெரிவித்தார்.
