குடியரசுத் தலைவர் தேர்தலில் பிரதீபா பாட்டீல் பெற்ற மகத்தான வெற்றி மகளிர் குலத்துக்கு கிடைத்த மாபெரும் வெற்றி என்று தமிழக முதலமைச்சர் கருணாநிதி கூறியுள்ளார்.
தமிழக முதலமைச்சர் கருணாநிதி அண்ணா அறிவாலயத்தில் நேற்று செய்தியாளர்களிடம் பேசினார்.
குடியரசு தலைவர் தேர்தலில் உங்கள் அணியின் வேட்பாளர் பிரதீபா பாட்டீல் அடைந்துள்ள வெற்றி குறித்து செய்தியாளாகள் கேட்டதற்கு, மகத்தான வெற்றி, மகளிர் குலத்திற்கே கிடைத்த மாபெரும் வெற்றி என்று பெருமிதத்துடன் கூறினார்.
அ.தி.மு.க.விலிருந்து நான்கு பேர் அணி மாறி, காங்கிரஸ் வேட்பாளருக்கு வாக்களித்திருப்பதைப் பற்றி என்ன சொல்ல விரும்புகிறீர்கள் என்று செய்தியாளர் ஒருவர் கேட்டதற்கு, அதுகுறித்து கருத்து சொல்ல வேண்டியவர், அந்தக் கட்சியின் தலைவி தான் என்று கருணாநிதி பதிலளித்தார்.
குடியரசு துணைத் தலைவர் தேர்தலில் தி.மு.க.வின் நிலைப்பாடு குறித்த கேட்டதற்கு. அறிவிக்கப்பட்டுள்ள வேட்பாளர் அன்சாரியை ஆதரிப்பது தான் நிலைப்பாடு என்று அவர் கூறினார்.
