மதுரை மேற்கு தொகுதிக்கு நடைபெற்ற இடைத்தேர்தலில் பதிவான வாக்குகள் நாளை எண்ணப்படுகின்றன.
இதையொட்டி வாக்கு எண்ணிக்கை நடைபெறும் மதுரை மருத்துவ கல்லூரிக்கு பலத்த காவல் துறை பாதுகாப்பு செய்யப்பட்டுள்ளது.
மதுரை மேற்கு தொகுதிக்கு கடந்த 26 ஆம் தேதி இடைத்தேர்தல் நடைபெற்றது. மின்னணு வாக்குபதிவு இயந்திரம் மூலம் நடைபெற்ற இந்த தேர்தலில் 75 விழுக்காடு வாக்குகள் பதிவாகின.
வாக்குபதிவு இயந்திரங்களுக்கு சீல் வைக்கப்பட்டு வாக்கு எண்ணிக்கை நடைபெறும் மதுரை மருத்துவ கல்லூரியில் பத்திரமாக வைக்கப்பட்டுள்ளது. நாளை காலை 8 மணிக்கு வாக்குகள் எண்ணும் பணி தொடங்குகிறது.
மின்னணு வாக்குபதிவு இயந்திரம் மூலம் தேர்தல் வாக்குபதிவு நடைபெற்றிருப்பதால் நாளை பிற்பகல் 11 மணிக்கு முடிவு தெரிந்து விடும் என எதிர்பார்க்கப்படுகிறது.வாக்கு எண்ணிக்கை நடைபெறும் மதுரை மருத்துவ கல்லூரிக்கு பலத்த காவல்துறை பாதுகாப்பு செய்யப்பட்டுள்ளது.
