சோனி எரிக்சன் ஓபன் டென்னிஸ் ஆடவர் ஒற்றையர் காலிறுதியில் ரஃபேல் நாடல் 3-6, 6-3, 6-1 என்ற செட் கணக்கில் அமெரிக்க வீரர் ஜேம்ஸ் பிளேக்கை வீழ்த்தி அரையிறுதிக்கு முன்னேறினார்.
மகளிர் ஒற்றையர் பிரிவில் செர்பிய வீராங்கனை ஜெலெனா ஜான்கோவிச் 6-3, 3-1 என்று முன்னிலைப் பெற்றிருந்த போது ரஷ்ய வீராங்கனை எலினா டீமென்டீவா காயம் காரணமாக தொடர முடியாமல் போனது. இதனால் ஜான்கோவிச் அரையிறுதிக்கு முன்னேறினார்.
நாடல்-பிளேக் போட்டியில் முதல் செட்டை பிளேக் கைப்பற்றியபோது. எதிர்பார்ப்பு அதிகமானது. ஆனால் 2 மற்றும் 3ஆவது செட்டில் பிளேக் பிடியை நழுவ விட்டார்.
மகளிர் ஒற்றையர் பிரிவு காலிறுதியில் தினாரா சஃபினாவை 7-5, 6-4 என்று வீழ்த்திய வெரா ஸ்வொனரேவாவை செர்பிய வீராங்கனை ஜான்கோவிச் அரையிறுதியில் சந்திக்கிறார்.
மற்றொரு அரையிறுதியில் செரீனா வில்லியம்சும் குஸ்னெட்சோவாவும் மோதுகின்றனர்.
