இந்தியா-பாகிஸ்தான் அணிகளுக்கு இடையே 4வது ஃபிரண்ட்ஷிப் கோப்பை ஸ்னூக்கர் டெஸ்ட் போட்டிகள் வரும் பிப்ரவரி மாதம் புதுடெல்லியில் நடைபெறுகிறது.
டிசம்பர் 2ம் தேதி துவங்குவதாயிருந்த இந்த ஸ்னூக்கர் டெஸ்ட் தொடர், இரு நாட்டு பில்லியர்ட்ஸ் கூட்டமைப்புகளின் பரஸ்பர ஒப்புதலின் பேரில் ரத்து செய்யப்பட்டது.
தற்போது இந்த தொடரை நடத்துவதற்கு தகுந்த சூழ்நிலைகள் இல்லாததால் அடுத்த ஆண்டு பிப்ரவரி மாதத்திற்கு ஒத்தி வைத்திருப்பதாக பாகிஸ்தான் பில்லியர்ட்ஸ் மற்றும் ஸ்னூக்கர் கூட்டமைப்பின் தலைவர் அலி அஸ்கர் வாலிகா தெரிவித்தார்.
தேசிய ஸ்னூக்கர் சாம்பியன்ஷிப் போட்டிகளும் அடுத்த ஆண்டு பிப்ரவரி மாதத்திலேயே நடத்தப்படவுள்ளது என்று இந்திய பில்லியர்ட்ஸ் மற்றும் ஸ்னூக்கர் கூட்டமைப்பு தெரிவித்துள்ளது.
