''ஆஸ்ட்ரேலிய சுற்றுப்பயணத்துக்கு முன்பாக இந்திய அணிக்கு புதிய பயிற்சியாளர் நியமிக்கப்படுவார்'' என்று இந்திய கிரிக்கெட் வாரியத் தலைவர் சரத்பவார் கூறினார்.
இந்திய கிரிக்கெட் வாரிய நிர்வாகிகள் கூட்டம் புதுடெல்லியில் நேற்று நடந்தது. கூட்டத்திற்கு தலைமை தாங்கிய இந்திய கிரிக்கெட் வாரிய தலைவர் சரத்பவார் செய்தியாளர்களிடம் கூறுகையில், இந்த கூட்டத்தில் பயிற்சியாளர் தேர்வு பற்றி விவாதிக்கப்படவில்லை. ஆனால் ஆஸ்ட்ரேலிய சுற்றுப்பயணத்துக்கு முன்பாக புதிய பயிற்சியாளர் நியமிக்கப்படுவார்.
பயிற்சியாளர் விஷயத்தில் நிறைய ஆலோசனை செய்ய வேண்டி உள்ளது. டிசம்பர் 16ஆம் தேதி இந்திய கிரிக்கெட் வாரியத்தின் செயற்குழு கூட்டம் நடக்கிறது. அப்போது பயிற்சியாளர் தேர்வு குழுவிடம் இது பற்றி விரிவாக விவாதிப்போம். இந்திய அணி ஆஸ்ட்ரேலியாவில் விளையாடும் போது அணியுடன் நிரந்தர பயிற்சியாளர் இருப்பது உறுதி. தற்போது நடந்து வரும் பாகிஸ்தான் தொடர் முழுமைக்கும் லால்சந்த் புட் மானேஜராக நீடிப்பார் என்று சரத்பவார் கூறினார்.
