டெல்லியில் நிகழ்ந்த குண்டு வெடிப்பு நிகழ்வில் இருந்து மக்கள் மீள்வதற்குள் நேற்றிரவு பயங்கர நிலநடுக்கம் ஏற்பட்டது.
இரவு 11.40 மணி அளவில் திடீரென ஏற்பட்ட பயங்கர நிலநடுக்கம் 6 வினாடிகள் வரை நீடித்தது. இந்த நிலநடுக்கம் ரிக்டர் அளவுகோலில் 6.6 ஆக பதிவாகியுள்ளதாக வானிலை ஆய்வு மையம் முதலில் தெரிவித்தது.
பின்னர் நிலநடுக்கம் ரிக்டர் அளவுகோலில் 4.2 ஆக பதிவாகியுள்ளதாக வானிலை ஆய்வு மையம் கூறியுள்ளது.
நிலநடுக்கத்ததால் வீடுகள், கட்டடங்கள் குலுங்கியதால் பொதுமக்கள் அலறி அடித்துக் கொண்டு வெளியே ஓடினர். நகரின் பல பகுதிகளிலும் பூமி அதிர்ச்சி உணரப்பட்டதாக பொதுமக்கள் தெரிவித்தனர்.
ஆனால் இந்த நிலநடுக்கத்தால் உயிர் சேதம் எதுவும் ஏற்படவில்லை என்று தெரிகிறது.
