கனமழை மற்றும் மோசமான வானிலை காரணமாக அமர்நாத் புனித யாத்திரை இன்று தற்காலிகமாக ரத்து செய்யப்பட்டுள்ளது.
அமர்நாத் குகைக் கோயிலில் உள்ள பனிலிங்கத்தை தரிசிப்பதற்காக ஆண்டுதோறும் ஜூன் மாதத்தில் பக்தர்கள் புனிதப் பயணம் மேற்கொள்வார்கள்.
இந்த ஆண்டிற்கான புனிதப் பயணம் கடந்த 18 ஆம் தேதி தொடங்கியது. நேற்று வரை 4,000 க்கும் மேற்பட்ட யாத்ரிகர்கள் புனியப் பயணம் மேற்கொண்டுள்ளனர்.
இந்நிலையில் காஷ்மீர் மலைப் பகுதியில் கடந்த இரு நாட்களாக பலத்த மழை பெய்து வருகிறது. ஜம்மு மற்றும் பால்தல் ஆகிய பகுதிகளில் இருந்து குகைக் கோயில் வரும் பாதைகள் மிக மோசமாகப் பாதிக்கப்பட்டுள்ளன.
இதனால் அமர்நாத் புனித யாத்திரை இன்று தற்காலிகமாக ரத்து செய்யப்பட்டுள்ளது.
