இலங்கை வவுனியாவில் சிறிலங்கப் படையினரின் மீது தமிழீழ விடுதலைப் புலிகள் நடத்திய தாக்குதலில் 6 படையினர் கொல்லப்பட்டுள்ளதுடன், 11 படையினர் காயமடைந்துள்ளனர்.
வவுனியா மாவட்டத்தில் உள்ள பாலமோட்டை, குஞ்சுக்குளம் ஆகிய பகுதிகளின் வழியாக முன்நகர முயன்ற சிறிலங்கப் படையினருக்கும், அவர்களைத் தடுக்க முயன்ற தமிழீழ விடுதலைப் புலிகளுக்கும் இடையில் கடும் மோதல் நடந்ததாகப் புதினம் இணைய தளம் தெரிவிக்கிறது.
காலை 7.00 மணி முதல் பிற்பகல் 2.00 மணி வரை நீடித்த இந்தத் தாக்குதலில் 6 படையினர் கொல்லப்பட்டுள்ளதுடன், 11 படையினர் படுகாயமடைந்துள்ளனர் என்றும் அச்செய்தி கூறுகிறது.
