இலங்கையில் சிறிலங்கப் படையினருக்கும் தமிழீழ விடுதலைப் புலிகளுக்கும் இடையில் நடந்த கடும் மோதலில் படையினர் 5 பேர் கொல்லப்பட்டுள்ளதுடன், 7 பேர் படுகாயமடைந்துள்ளனர்.
வவுனியா மாவட்டத்தில் உள்ள பாலமோட்டை குஞ்சுக்குளம் பகுதி வழியாக சிறிலங்காப் படையினர் மேற்கொண்ட முன்நகர்வு முயற்சி தமிழீழ விடுதலைப் புலிகளால் முறியடிக்கப்பட்டுள்ளது என்றும், இதில் 5 படையினர் கொல்லப்பட்டுள்ளதுடன், ஏழு பேர் காயமடைந்துள்ளதாகவும் புதினம் இணைய தளம் தெரிவிக்கிறது.
நேற்று காலை முதல் இரவு வரை சிறிலங்கப் படையினரின் முன்நகர்வு முயற்சிக்கு எதிரான விடுதலைப் புலிகளின் முறியடிப்புத் தாக்குதல் தொடர்ந்ததாகவும் அந்தச் செய்தி கூறுகிறது.
