நேபாள இடைக்கால அரசின் பிரதமர் கிரிஜ பிரசாத் கொய்ராலா இன்று பதவி விலகினார்.
இதனால் நேபாளத்தில் முதன்முதலாக அமையவுள்ள மாவோயிஸ்ட் தலைமையிலான அரசிற்கு இருந்த தடைக்கல் நீங்கியுள்ளதாகக் கருதப்படுகிறது.
தற்போது 83 ஆம் வயதில் உள்ள கொய்ராலா தனது பதவி விலகல் செய்தியை, அரசமைப்புச் சட்டத்தை திருத்தி எழுதுவதற்காகக் கடந்த ஏப்ரல் மாதம் அமைக்கப்பட்ட அரசியல் நிர்ணயச் சபையில் இன்று அறிவித்தார் என்று நேபாள காங்கிரஸ் உறுப்பினர் தீர்த்த ராம் டங்கோல் தெரிவித்தார்.
கொய்ராலா தனது பேச்சின்போது, அரசியல் கட்சிகள் அனைத்தும் ஒற்றுமையுடனும் ஒத்துழைத்தும் செயல்பட வேண்டும் என்று வேண்டுகோள் விடுத்தார் என்றும் அவர் கூறினார்.
