கொழும்பு ரயிலில் குண்டு வெடித்ததில் 9 பேர் பலியானதுடன் 70 பேர் படுகாயமடைந்து உள்ளதாக முதல் தகவல்கள் தெரிவிக்கின்றன.
சிறிலங்க தலைநகர் கொழும்பில் இருந்த பாணந்துறை நோக்கிச் சென்று கொண்டிருந்த ரயிலில் இன்று மாலை நடந்த குண்டுவெடிப்பில் 9 பேர் பலியானதுடன் 70 பேர் படுகாயமடைந்து உள்ளதாக தமிழ்நெட்.காம் இணைய தளம் தெரிவிக்கிறது.
தெகிவளை ரயில் நிலையத்திற்கு அருகில் இன்று மாலை 4.45 மணிக்கு இக்குண்டுவெடிப்பு நடத்துள்ளதாகவும், நெரிசல் மிகுந்த ரயில் பெட்டி ஒன்றில் குண்டு வைக்கப்பட்டு இருந்திருக்கலாம் என்றும் ராணுவப் பேச்சாளர் பிரிகேடியர் உதய நாணயக்கார தெரிவித்துள்ளார்.
இச்சம்பவத்தில் காயமடைந்தவர்கள் களுபோவில மருத்துவமனையில் அனுமதிக்கப்பட்டுள்ளனர்.
படுகாயமடைந்துள்ளவர்களில் பலர் கவலைக்கிடமாக உள்ளதால் பலி எண்ணிக்கை மேலும் அதிகரிக்கும் என்று கருதப்படுகிறது.
