இலங்கை மணலாறில் சிறிலங்கப் படையினருக்கும் தமிழீழ விடுதலைப் புலிகளுக்கும் இடையில் நடந்த கடும் மோதலில் 5 படையினர் கொல்லப்பட்டதுடன், பலர் படுகாயமடைந்துள்ளனர்.
சிறிலங்கப் படையினரின் ஏராளமான ஆயுதங்களையும் விடுதலைப் புலிகள் கைப்பற்றியுள்ளனர்.
மணலாறு சிலோன் தியேட்டர் பகுதியில் உள்ள விடுதலைப் புலிகளின் நிலைகள் மீது சிறிலங்கப் படையினர் நேற்று காலை 10.00 மணியளவில் தாக்குதல் நடத்தினர்.
படையினரின் முன்நகர்வு முயற்சிகளை எதிர்த்து விடுதலைப் புலிகளும் எதிர்த்தாக்குதல் நடத்தினர். பிற்பகல் 2 மணிவரை இருதரப்பினருக்கும் இடையில் நீடித்த மோதலில் 5 படையினர் கொல்லப்பட்டதுடன் பலர் படுகாயமடைந்துள்ளனர்.
இம்மோதலில் சிறிலங்கப் படையினர் விட்டுச் சென்ற துப்பாக்கிகள், தோட்டாக்கள், கவசங்கள் உள்ளிட்ட ஏராளமான ஆயுதங்களை விடுதலைப் புலிகள் கைப்பற்றியுள்ளதாக புதினம் இணைய தளம் தெரிவிக்கிறது.
