மன்னாரில் சிறிலங்கப் படையினருக்கும் தமிழீழ விடுதலைப் புலிகளுக்கும் இடையில் நடந்த கடும் மோதலில் 9 படையினர் கொல்லப்பட்டனர்.
சிறிலங்கப் படையினர் திருக்கேதீச்சரம் பகுதியில் இருந்து வேட்டையாமுறிப்பு நோக்கி நேற்று அதிகாலை 5.30 மணிமுதல் தீவிர முன்னகர்வுத் தாக்குதல்களை மேற்கொண்டதாகவும், இதற்கெதிராக விடுதலைப் புலிகள் முறியடிப்புத் தாக்குதல் நடத்தியதாகவும் புதினம் இணைய தளச் செய்தி தெரிவிக்கிறது.
இருதரப்பிற்கும் இடையில் மதியம் 12 மணி வரை நீடித்த கடும் மோதலில் படையினரின் கவச வாகனம் ஒன்று கண்ணிவெடியில் சிக்கியது. அதிலிருந்த 9 படையினர் கொல்லப்பட்டதுடன் மேலும் பலர் காயமடைந்துள்ளனர் என்றும் அச்செய்தி கூறுகிறது.
இதுகுறித்து சிறிலங்கப் படைத் தரப்பில் இருந்து தகவல் எதுவும் உடனடியாக வெளியாகவில்லை.
