சென்னையில் மாவட்ட வேலை வாய்ப்பு அலுவலகம் சார்பில் வரும் 19, 20 தேதிகளில் வேலை வாய்ப்புக் கண்காட்சி நடைபெற உள்ளது.
ராஜா அண்ணாமலைபுரம், சீனிவாசா அவென்யு சாலையில் உள்ள ராஜா முத்தையா மேல்நிலைப் பள்ளியில் காலை 10 மணி முதல் மாலை 3 மணி வரை இந்த கண்காட்சி நடைபெறும்.
சனிக்கிழமை நடைபெறும் முகாமில் பிரபல செல்போன் நிறுவனத்துக்கு தேவையான ஆள்கள் தேர்வு செய்யப்படுவர்.
பிளஸ் 2 தேர்வில் 55 சதவீத மதிப்பெண்கள் பெற்றவராகவும், பெண்கள் 18 முதல் 23 வயதுக்குட்பட்டவராகவும், ஆண்கள் 21 வயதுக்குட்பட்டவராகவும் இருக்க வேண்டும்.
ஞாயிற்றுக்கிழமை நடைபெறும் முகாமில் பட்டதாரிகள், பி. பார்மசி, பார்மசி துறையில் பட்டயம் பெற்றவர்கள் ஒரு நிறுவனத்துக்கும், ஆம்புலென்ஸ் வாகனம் ஓட்டுவதற்கான ஓட்டுநர்கள் வேறு ஒரு நிறுவனத்துக்கும் தேர்வு செய்யப்பட உள்ளனர். இந்த முகாம்களில் பங்கேற்க கட்டணம் இல்லை. மேற்படி கல்வித் தகுதி உள்ளவர்கள் மட்டும் பங்கேற்குமாறு கேட்டுக் கொள்ளப்படுகிறது.
