தமிழகம் உள்பட 10 நாட்களில், 12 மாநிலங்கள் சுற்றுப்பயணம்... பிரதமர் மோடியின் பயண திட்டம்..!

பிரதமர் மோடி இன்று தமிழகம் வருகை தர இருக்கும் நிலையில் அடுத்த பத்து நாட்களில் 12 மாநிலங்களுக்கு சுற்றுப்பயணம் செய்யப் போவதாக தகவல் வெளியாகியுள்ளது.

பாராளுமன்ற தேர்தல் நெருங்கி வரும் நிலையில் அரசியல் கட்சி தலைவர்கள் தீவிரமாக சுற்றுப்பயணம் செய்ய திட்டமிட்டுள்ள நிலையில் பிரதமர் மோடியும் தனது சுற்றுப் பயணத்தை தொடங்கி உள்ளதாக தெரிகிறது.

இன்று அதாவது மார்ச் 4ஆம் தேதி தமிழகத்திற்கு வருகை தரும் பிரதமர் மோடி அதன் பிறகு 12 மாநிலங்களில் 29 நிகழ்ச்சியில் கலந்து கொள்ள இருப்பதாக தகவல் வெளியாகி உள்ளது.

தமிழக சுற்றுப் பயணத்தை முடித்துவிட்டு அவர் தெலுங்கானா, ஒடிசா, மேற்கு வங்காளம், பீகார், ஜம்மு காஷ்மீர், அசாம், அருணாச்சல பிரதேசம், உத்தர பிரதேசம், குஜராத், ராஜஸ்தான், டெல்லி ஆகிய மாநிலங்களில் சுற்றுப்பயணம் செய்ய இருப்பதாகவும் பல்வேறு வளர்ச்சி பணிகளுக்கு அவர் அடிக்கல் நாட்டு விழாவில் கலந்து கொள்ள இருப்பதாகவும் தகவல் வெளியாகி உள்ளது.

மேலும் அவர் ஒரு சில மாநிலங்களில் நடைபெறும் பாஜக பொதுக்கூட்டத்தில் கலந்து கொள்ள இருப்பதாகவும் கூறப்படுகிறது. அடுத்த பத்து நாட்களில் அவர் 12 மாநிலங்களுக்கு சுற்றுப்பயணம் செய்து வளர்ச்சி திட்டங்கள் மற்றும் அடிக்கல் நாட்டு விழாவில் பங்கேற்கும் நிலையில் தேர்தல் பிரச்சார கூட்டங்களில் கலந்து கொள்கிறார் என்பதும் இதையடுத்து பிரதமர் தனது தேர்தல் பிரச்சார பயணத்தை ஆரம்பித்து விட்டதாக கூறப்படுகிறது.

Edited by Siva