அதிமுக தனது கூட்டணிக் கட்சிகளுக்கு ஒதுக்கியுள்ள தொகுதிகளையும் தாங்கள் போட்டியிடவுள்ள தொகுதிகளையும் சற்று நேரத்திற்கு முன்னர் வெளியிட்டுள்ளது.
நாடாளு மன்றத் தேர்தலுக்கு இன்னும் சரியாக ஒரு மாத காலமே உள்ளது. தமிழகத்தில் உள்ள முக்கியக் கட்சிகள் அனைத்தும் திமுக அதிமுக ஆகிய அணிகளில் இணைந்துள்ளன. திமுகவும் அதிமுகவும் கூட்டணிக் கட்சிகளுக்கு ஒதுக்கியது போக 20 தொகுதிகளில் தனித்துப் போட்டியிடுகின்றனர்.
அதிமுக சற்று நேரத்திற்கு முன்னர் தாங்கள் போட்டியிடும் 20 தொகுதிகளின் பட்டியலை வெளியிட்டுள்ளது. அதில் திமுக போட்டியிட வாய்ப்பு அதிகமாக உள்ள 8 தொகுதிகளில் அதிமுக போட்டியிட உள்ளது உறுதியாகியுள்ளது. அந்த தொகுதிகள் முறையே தென் சென்னை, பொள்ளாச்சி, நீலகிரி, திருவண்ணாமலை, மயிலாடுதுறை, காஞ்சிபுரம், நெல்லை, சேலம் ஆகிய தொகுதிகள் ஆகும்.
இந்த 8 தொகுதிகளிலும் நேரடிப் போர் என்பதால் இந்த தொகுதிகள் முக்கியக் கவனம்பெறும் என எதிர்பார்க்கப்படுகின்றன.