உத்திரகோசமங்கை கோவில் கும்பாபிஷேகம்: மரகத நடராஜர் தரிசனம்..!

ராமநாதபுரம் மாவட்டம் உத்திரகோசமங்கையில் பிரபலமான மங்களேசுவரி உடனுறை மங்களநாதர் கோவில் அமைந்துள்ளது. 15 ஆண்டுகளுக்கு பிறகு, வரவிருக்கும் 4-ந்தேதி, இந்த கோவிலில் கும்பாபிஷேகம் கோலாகலமாக நடைபெற உள்ளது. தமிழ்நாடு அரசு, சமஸ்தான தேவஸ்தானம், மற்றும் நன்கொடையாளர்களின் ஆதரவுடன் பல கோடி ரூபாய் செலவில் திருப்பணிகள் முடிக்கப்பட்டுள்ளன.

கும்பாபிஷேகம் அன்று காலை 9 மணி முதல் 11 மணி வரை நடக்கிறது. இதற்காக, கோவிலில் உள்ள அரிய மரகத நடராஜர் சன்னதி இன்று மாலை திறக்கப்பட்டு, சிலை மீது பூசப்பட்ட சந்தனம் நீக்கப்படுகிறது. 

இதுகுறித்து திவான் பழனிவேல் பாண்டியன் கூறியதாவது: "கும்பாபிஷேகத்திற்கு முன் 4 நாட்கள் மரகத நடராஜர் சன்னதி பக்தர்களுக்காக திறந்திருக்கும். 4-ந்தேதி பின்னர், மீண்டும் சந்தனம் பூசப்பட்டு சன்னதி மூடப்படும்."

கும்பாபிஷேக நாளன்று மேல்தளத்தில் 1500 பக்தர்கள் அனுமதிக்கப்படுவார்கள். ஏராளமான பக்தர்கள் இந்த நிகழ்வில் கலந்து கொள்ள உள்ளனர்.

Edited by Mahendran