ஒப்போ ஸ்மார்ட்போன் நிறுவனம் தனது படைப்பான ஏ3எஸ் ஸ்மார்ட்போனின் விலையை குறைத்திருக்கிறது.
ஸ்மார்ட்போன்கள மீதான சலுகைகளும் தள்ளுபடிகளும் அதிகரித்து வரும் நிலையில், ஸ்மார்ட்போன் தயாரிப்பு நிறுவனங்களும் ஸ்மார்ட்போன் மீதான விலையை வெளியான சில மாதங்கள் கழித்து குறைக்கின்றது.
அந்த வகையில், ஒப்போ ஏ3எஸ் ஸ்மார்ட்போனின் விலையை குறைத்திருக்கிறது. ஒப்போ ஏ3எஸ் ஸ்மார்ட்போனின் 2 ஜிபி ராம் மற்றும் 3 ஜிபி ராம் ஆகிய இரு வேரியண்ட்டிற்கும் இந்த விலை குறைப்பு பொருந்தும்.
முன்னதாக ஒப்போ ஏ3எஸ் 2 ஜிபி ராம் விலை ரூ.10,990 ஆக இருந்த நிலையில், தற்போது விலை குறைப்புக்கு பின் ரூ.7,990 ஆகவும், 3 ஜிபி ராம், விலை ரூ.13,990 ஆக இருந்த நிலையில், தற்போது விலை குறைப்புக்கு பின் ரூ.9,990 என நிர்ணயிக்கப்பட்டுள்ளது.