குற்றாலத்தில் தற்போது சீசன் களைக் கட்டிக் கொண்டிருந்த நிலையில், நேற்று திடீரென வெள்ளம் போல அருவி கொட்டியது.
இதனால் நேற்று மதியம் வரை குற்றாலம் முக்கிய அருவியில் குளிக்க பொதுமக்களுக்கு தடை விதிக்கப்பட்டது.
பின்னர் மாலை நேரத்தில் நீர்வீழ்ச்சியில் வெள்ளப் பெருக்கு குறைந்ததால் பயணிகள் குளிப்பதற்கு அனுமதி அளிக்கப்பட்டது.
குற்றாலத்தில் தற்போது சீசன் உச்சக்கட்டத்தில் இருக்கும் நிலையில், நேற்று முன்தினம் இரவு பலத்த காற்றுடன் மழை பெய்தது.
இதனால் நேற்று அதிகாலை முதல் மெயினருவி, ஐந்தருவி, பழைய குற்றால அருவி, புலியருவி, சிற்றருவி உள்ளிட்ட அனைத்து அருவிகளிலும் தண்ணீர் வரத்து அதிகரித்தது.
மெயினருவியில் வெள்ளப்பெருக்கு ஏற்பட்டு பாதுகாப்பு வளைவைத் தாண்டி தண்ணீர் கொட்டியதால் தடை விதிக்கப்பட்டு, மீண்டும் அனுமதிக்கப்பட்டது.
