அரசியல் தரகர் சமாஜ்வாடி கட்சி பொதுச் செயலாளர் அமர்சிங்கின் சாமர்த்தியம் உலகறியும். நம்பிக்கை வாக்கெடுப்பில் இவரது கை எவ்வளவு நீண்டிருக்கிறது என்று கமிஷன் போட்டு கணக்கிடலம். அவரது தூதுக்கே விலையில்லாமல் போயிருக்கிறது ஒரு இடத்தில்.
யாஷ்சோப்ராவின் புதிய படத்தில் அமிதாப்பச்சன் நடிக்கிறார். அவருக்கு ஜோடியாக நடிக்க ஸ்ரீதேவியிடம் கால்ஷீட் கேட்டனர். சொந்தப் படத்தில் நடிக்கயிருப்பதால் வேறு ஆளைப்பாருங்கள் என்றிருக்கிறார் ஸ்ரீதேவியின் கணவரும், தயாரிப்பாளருமான போனிகபூர்.
விஷயம் அமிதாப்பச்சனின் நண்பர் தரகு அரசியல்வாதி அமர்சிங்குக்கு தெரியவர, யாஷ்சோப்ரா சார்பில் போனிகபூரிடமும், ஸ்ரீதேவியிடமும் கேட்டிருக்கிறார். அரசியல்வாதிகளிடம் அமர்சிங்கின் பேச்சு எடுபடலாம். ஆனால், சினிமாக்காரர்களிடம்?
முடியவே முடியாது என மறுத்திருக்கிறார்கள் இருவரும். இப்போது வேறு நடிகையை தேடிக் கொண்டிருக்கிறார்கள்.
