அரண் படத்தை இயக்கிய மேஜர் ரவியின் புதிய படத்தில் நடிக்கிறாராம் விவேக் ஓபராய்.
கார்கில் பின்னணியில் எடுத்த அரணின் இரண்டாம் பாகத்தை மோகன்லால், கமல்ஹாசனை வைத்து எடுக்க ஆசைப்பட்டார் மேஜர் ரவி. கமல் தரப்பிலிருந்து சாதகமான சமிக்ஞை வராததால், ஆளை மாற்றியிருக்கிறார். மோகன்லாலுடன் இப்போது நடிக்க இருப்பது விவேக் ஓபராய்.
அரணில் லாலுடன் ஜீவா நடித்தார். படம் தமிழ், மலையாளம் இரு மொழிகளில் தயாரானது. புதிய படத்தில் லாலுடன் விவேக் ஓபராய் நடிக்கிறார். படம் இந்தி, மலையாளத்தில் தயாராகிறது.
மோகன்லாலுடன் விவேக் ஓபராய் இணைந்து நடிப்பது இது இரண்டாவது முறை. ராம்கோபால் வர்மாவின் கம்பெனி படத்தில் இருவரும் ஏற்கனவே இணைந்து நடித்துள்ளனர் என்பது முக்கியமானது.
