கமலுக்கு ஈசன், இறைவன் மீதெல்லாம் நம்பிக்கை இல்லை. ஆனாலும் அவர் ஈசனுடன் மோத வேண்டிய சூழல் ஏற்படும் போலுள்ளது.
கமலின் மன்மதன் அம்பு வரும் 17 ஆம் தேதி வெளியாகும் என நம்பத்தகுந்த தகவல்கள் தெரிவிக்கின்றன. அதே நாள் தனது ஈசன் படத்தையும் வெளியிட திட்டமிட்டுள்ளாராம் சசிகுமார்.
கமலின் தசாவதாரம் படத்தின் வெற்றியின் மாயையை கலைத்ததில் சசிகுமாரின் சுப்பிரமணியபுரம் படத்துக்கு பெரும் பங்கு உண்டு. நல்ல படம் எது, கமர்ஷியல் விளையாட்டு எது என்பதை அப்படம் வெளிச்சமிட்டு காட்டியது.
நல்ல படங்கள் பருத்திவீரன் போல், சுப்பிரமணியபுரம் போல், மைனா போல் ஒன்றிரண்டு வராமல் நிறைய வரவேண்டும் என்று சொல்லும் கமல், கடந்த வருடங்களில் அப்படி எந்த முயற்சியும் எடுக்காமல் மேடைகளில் அறிவுரை மட்டும் வழங்கி வருகிறார் என்றொரு குற்றச்சாற்று இருந்து வருகிறது. கமலின் தசாவதாரம், மன்மதன் அம்பு போன்ற 2 கமர்ஷியல் முயற்சிகளை இதற்கு உதாரணமாக காட்டுகிறார்கள்.
மன்மதனும், ஈசனும் நேருக்கு நேர் மோதிய பின்பாவது தனது மேடைப் பேச்சு கவலையை கமல் செயலில் காண்பிப்பார் என நம்புவோம்.
