கமலின் மகள் ஸ்ருதிஹாசன் தன் சினிமா என்ட்ரியை லக் படத்தின் மூலம் தொடங்கினார். இடையில் சத்தமே இல்லை. தற்போது மறுபடியும் படங்களில் நடிப்பதில் வேகங்காட்டத் தொடங்கியிருக்கிறார்.
இயக்குநர் ஏ.ஆர். முருகதாஸ் இயக்கத்தில், சூர்யா ஜோடியாக 7ஆம் அறிவு படத்தில் புக் ஆகியுள்ள ஸ்ருதி, இந்திப் படங்களின் மீதே பெரிதும் கண் வைத்துள்ளார்.
இந்தியின் முன்னணி இயக்குநர் மதுர் பண்டார்கார் இயக்கும் தில் தோ பச்சா ஹே ஜி படத்தில் இம்ரான் ஹாஸ்மியுடன் ஜோடி சேருகிறார். இதுபோக வேறு சில இந்திப் படங்களில் நடிப்பதற்கான பேச்சுவார்த்தைகளிலும் ஆர்வங்காட்டி வருகிறார் ஸ்ருதி. பெரிய பேனர் அல்லது பெரிய டைரக்டர் இதுதான் அவரது குறி.
